TIRANË- Komisariati Nr.3 në Tiranë është shndërruar në një vend krimi! Efektivi i policisë Ludjan Zaimi 25-vjeç ka qëlluar për vdekje 6 herë me armën e shërbimit kolegun e tij, Çaush Saliasi, 55-vjeç, të dy me detyrë oficerë të Patrullës së Përgjithshme. Saliasi u dërgua me urgjencë në spital, por për fat të keq ndërroi jetë si pasojë e plagëve të marra. Ngjarja ka ndodhur rreth orës 21:20 në ambientet e brendshme të komisariatit, konkretisht në zyrën e instruktazhit, pak para se të merrnin turnit.
Ajo që raportohet deri më tani nga gazetari Sokol Dema, është se ato janë konfliktuar edhe më herët, teksa referuar dëshmisë së 25-vjeçari, ai thotë se e qëlloi "pasi e tallte prej kohësh".
Zaimi ka 1 vit e gjysmë në Policinë e Shtetit, e ndërsa viktima Çaush Saliasi mbi 20 vite karrierë me Uniformat blu. Në komisariatin Nr. 3 ka mbërritur edhe Drejtori i Përgjithshëm i Policisë, Gledis Nano, si edhe një grup i posaçëm nga Drejtoria e Përgjithshme e Policisë së Shtetit, përfshirë ekspertë të Drejtorisë së Standardeve Profesionale dhe nga Departamenti i Rendit dhe Sigurisë Publike.
Komisariatet e Policisë javëve të fundit janë shndërruar në skena krimi. Ngjarja e kësaj të hëne, pason një tjetër ngjarje kriminale brenda Komisariatit. Bëhet fjalë për vetëvrasjen e ndodhur në Komisariatin e Kavajës u vetëvra Ilvi Meta, teksa në atë të Kamzës iu vu flaka gjatë tentativës së arratisjes.
Kjo është ngjarja e dytë e shënuar brenda pak orëve, ku protagonistë kanë qenë efektivët e policisë. Në Kombinat, efektivi i FNSH-së në gjendje të dehur ka qëlluar me armë 60-vjeçarin Murteza Lika, i cili vuante nga probleme të shëndetit mendor, fatmirësisht jashtë rrezikut për jetën.
Autori Ludjan Zaimi
Ky është efektivi i Komisariatit nr. 3, Ludjan Zaimi, 25-vjeçari që qëlloi me armën e shërbimit kolegun e tij, Çaush Saliasi, i cili humbi jetën në Spitalin e Traumës si pasojë e plagëve të rënda në organet jetësore. Autori është shprehur se shkak është bërë tallja që i bënte kohë pas kohe 55-vjeçari Saliasi.
Dyshimet e para të vrasjes me armë brenda Komisariatit Nr.3 në Tiranë janë se arsyeja e acarimit të të riut, Ludjan Zaimi ishte se viktima, Çaush Saliasi e bullizonte prej kohësh.
Report Tv mëson se efektivi i policisë që u qëllua nga kolegu i tij, Çaush Saliasi ka ndërruar jetë në spital.
Report Tv ka mësuar emrat e policëve që u përfshin në një konflikt brenda Komisariatit nr.3 në Tiranë. Mësohet se autori është efektivi Ludjan Zaimi, teksa i plagosuri është Çaush Saliasi.
Komente
Polici ska në këtë vend, ka thjesht mafiozë të kamufluar, hajdutë ordinerë, tashmë edhe vrasës..nëse nuk shkarkohen nga i pari tek i fundit gjithë drejtuesit e policise, kështu do vazhdojë edhe më keq madje.
PërgjigjuKur ka pas polici ndonjehere ne Shqiperi??? Kurre.
Ke tall ti errreeee????
PërgjigjuKeshtu eshte kur fut ne polici ish striptiste familjarisht dhe drogaxhinj qe mbushin hundet. Ky eshte rezultati qe nga rilindja e ne vazhdim
PërgjigjuMe keto femij qe keni fut ne polici te gjith arroganta e bejn si te fort , do ket dhe vrasje te tjera
PërgjigjuMos rekrutoni ne polici hajdute e kriminel e bashkepuntor bandash, Se skane ndodh ne histori kto qe po ndodhin kto kohet e fundit!!! Sa vjen e shkatrrohet policia dhe cdo institucion Qe i kane mbush me hajdute e prostituta eskorte..
PërgjigjuAta i kane rekrutuar ti thua mos i rekrutoni. Mbahet Bilbil Mema bashkepuntor i skafisteve te rekrutoje te gjithe llumin e mundshem. Ardi Veliu ka ikur por kancerin qe la pas eshte malinj. Policia eshte e mbushur me rrugace, bashkepuntore te krimit dhe trafikante.
Me shkoi goja mbrapa : largoni drejtorin e policise se Tiranes Lorenc Panganika sepse e ka autoritetin zero perpara ekipit te policise e rrjedhimisht policia ne Tirane eshte perfshire ne kaos. Kujtoni dhunen ndaj te rinjve per rritjen e cmimeve, dy vetvrasjet ne komisariat dhe kjo e fundit eshte thagme.
PërgjigjuMir e ke,largoni lorencin dhe merrni neritan nallbatin ne durres,se eshte i ndershem dhe pak me i mire se nuredin dumani ,te pakten neritani i ka pazaret me te lira,plus i duhet te vij ne tirane qe te shesi kokainen qe ka vjedhur se bashku me shoferin e tij tek anija e qymyrit ne port.