Një ngjarje që mund të ishte kthyer në tragjedi fatmirësisht ka përfunduar pa të lënduar. Admir Jahelezi kishte hipur në skelat e vendosura për restaurimin e Muzeut Historik Kombëtar në Tiranë duke kërcënuar se do të hidhej nga lartësia.
Admir Jahelezi bërtiste dhe kërcënonte nga lartësia se do të hidhej nëse atij nuk i lidhej një kontratë pune. Për ngjarjen është njoftuar në kohë policia e cila erdhi në vendngjarjes së bashku me shërbimet e ambulancës dhe zjarrfikëses. Pas negociatave që policia bëri në distancë me personin, ka arritur ta bindë që të zbresë poshtë dhe të tërhiqet nga kryerja e veprimit ekstrem.
Admir Jahelezi është pronar i një agjencie transporti pasagjerësh nga Shqipëria në Kosovë. Ai pretendon se autoritetet shqiptare i kanë cenuar licencën duke favorizuar persona të tjerë që mbrohen me forcë nga Policia e qarkullimit Tropojë, ndërsa thotë se dhe është kërcënuar dhe bërë presion nga efektivët
Me rreth burri që tentoi të hidhej nga lartësia
Admir Jahelezi, i cili tentoi të hidhej nga lartësia nga Muzeu Kombëtarë për t'u vetëvrarë, është pronar i një agjencie transporti pasagjerësh nga Shqipëria në Kosovë. Ai pretendon se autoritetet shqiptare i kanë cenuar licencën duke favorizuar persona të tjerë që mbrohen me forcë nga Policia e qarkullimit Tropojë, ndërsa thotë se dhe është kërcënuar dhe bërë presion nga policia e qarkullimit në Tropojë dhe Qafë Morina deri në Milot.
Pas zbritjes nga skela e Muzeut Kombëtarë që ishin vendosur për restaurimin e saj, Jahelezi shprehet se ka marrë borxhe dhe kredi për të themeluar kompaninë, por është konkurruar në mënyrë të padrejtë.
"Kam pasur presion nga Policia e qarkullimit në Tropojë, nga policia e qarkullimit nga Qafë morina deri në Milot, jam kërcënuar me jetë, kam 3 vjet që bëj luftë me kompanitë e tjera", tha ai
