TIRANË - Një 38 vjeçar është vënë në pranga nga policia e kryeqytetit pasi kisht sjellë në Shqipëri dy automjete luksoze e vlerë 150 mijë euro, të dyja të vjedhura në Zvicër.
U vu në pranga Ambroz Shala banues në Zvicër, ndërsa u sekuestrua njëri prej automjeteve tip Audi Q8, që u gjet në një vendparkim në Don Bosko.
Sakaq po punohet për gjetjen e makinës tjetër të vjedhur në kuadër të operacionit ‘Swiss’.
'Gjatë operacionit u arrestua shtetasi Ambroz Shala, 38 vjeç, banues në Zvicër. Nga veprimet hetimore dyshohet se 38-vjeçari ka trafikuar në vendin tonë, 2 automjete tip "Audi", që rezultojnë të vjedhura në Zvicër. Në cilësinë e provës materiale është sekuestruar njëri nga automjetet e vjedhura, tip "Audi Q8", cili u gjet në një vendparkim në Don Bosko. Po punohet për gjetjen e automjetit tjetër.', njofton policia.
