Tiranë- Përleshja mes dy personave në zonën e “Astirit” në kryeqytet ka përfunduar me plagosjen e njërit prej tyre me mjet prerës.
Ngjarja ka ndodhur pasi dy burrat janë përfshirë në një konflikt me motive të dobëta, kurse sot (1 qershor), Policia e Tiranës bëri me dije se ka shpallur në kërkim të dyshuarin 45-vjeçar për krimin e plagosjes së 41-vjeçarit.
“Specialistët për Hetimin e Krimeve të Komisariatit të Policisë Nr. 6 shpallën në kërkim K. G., 45 vjeç, pasi në Astir, për motive të dobëta, ka goditur me një mjet prerës në këmbë një 41-vjeçar, i cili ndodhet në spital, jashtë rrezikut për jetën”, bëri me dije policia për rrethanat paraprake të krimit.
Pas sulmit, autori i dyshuar është larguar nga vendngjarja dhe po punohet për kapjen e tij nga Komisariati i Kombinatit.
Komente
Filloj vapa me duket po nisin shenjat e para
Përgjigju