Tiranë- Qarkullonte rrugëve të kryeqytetit i armatosur, arrestohet 32-vjeçari i dyshuar.
Komisariati nr. 4 njoftoi se ka finalizuar sot (17 gusht) aksionin e koduar “The Ëalker”, ndërsa sekuestroi edhe armën pistoletë.
I riu nën pranga është Klevi Prodani, i cili rezulton person me precedentë të mëparshëm penal në fushën e narkotikëve dhe vjedhjes.
“Shërbimet e Komisariatit të Policisë Nr. 4, bazuar në informacionet e marra se një shtetas qarkullonte me armë zjarri, kanë organizuar dhe finalizuar operacionin policor, si rezultat i të cilit u arrestua shtetasi: K. P., 32 vjeç, banues në Tiranë, i dënuar më parë për prodhim dhe shitje të narkotikëve dhe vjedhje”, bëri me dije Policia e Tiranës.
Gjatë kontrollit fizik të 32-vjeçarit në rrugën ‘5 Maji’, shërbimet e Policisë i gjetën 1 armë zjarri pistoletë, e cila u sekuestrua në cilësinë e provës materiale.
Materialet procedurale iu referuan Prokurorisë së Tiranës, për veprime të mëtejshme.
Komente
