Tiranë-Dy vëllezër në Tiranë janë arrestuar nga uniformat blu pasi rrahën një 41-vjeçar dhe i vodhën makinën.
Bledar dhe Endri Hysaj dyshohet se janë konfliktuar me 41-vjeçarin në garazhin e një pallati në Yzberisht për motive të dobëta.
Makina e cila u gjet pranë banesës së 2 vëllezërve u sekuestrua si provë materiale.
Njoftimi i policisë:
Shërbimet e Komisariatit të Policisë Nr. 6, ditën e djeshme, pas marrjes së njoftimit se një shtetas e kishin dhunuar dhe më pas i kishin marrë automjetin, kanë organizuar operacionin e koduar “Motivi”, për zbardhjen e rastit, identifikimin dhe kapjen e autorëve.
Si rezultat i operacionit, u lokalizuan, u kapën dhe u vunë në pranga shtetasit B. H., 44 vjeç dhe E. H., 36 vjeç, të dy banues në Tiranë (vëllezër).
Nga hetimet dyshohet se këta shtetas, në garazhin e një pallati në Yzberisht, për motive të dobëta, kanë dhunuar shtetasin I. Zh., 41 vjeç, dhe më pas i kanë marrë automjetin atij.
Automjeti i vjedhur u gjet afër banesës së 2 vëllezërve dhe u sekuestrua në cilësinë e provës materiale.
Materialet procedurale iu referuan Prokurorisë së Tiranës, për veprime të mëtejshme, për veprën penale “Vjedhja me dhunë”, kryer në bashkëpunim.
Komente
