Tiranë- Theu masën e sigurisë “arrest në shtëpi”, për veprën penale “drejtim i automjetit në mënyrë të parregullt” dhe u kap përsëri duke drejtuar makinën në gjendje të dehur, arrestohet 39-vjeçari.
Policia Rrugore e Tiranës njoftoi sot (28 Janar) se gjatë kontrolleve parandaluese në terren, kanë konstatuar një automjet që kryente manovra dhe i kanë bërë shenjë ndalimi drejtuesit të tij, me qëllim kryerjen e verifikimeve.
“Nga verifikimet rezultoi se shtetasi G.Z., banues në Tiranë, po e drejtonte automjetin, në gjendje të dehur, në masën 1.58 mg/l dhe se kishte thyer masën e sigurisë “arrest në shtëpi”, që i kishte caktuar Gjykata, për veprën penale “drejtim i automjetit në mënyrë të parregullt”, informoi policia.
Specialistët për Hetimin e Krimeve të Komisariatit të Policisë Nr. 4 bënë arrestimin e 39-vjeçarit G. Z., në kushtet e flagrancës, për veprat penale “largimi i të burgosurit nga vendi i qëndrimit” dhe “drejtim i automjetit në mënyrë të parregullt”.
Komente
