TIRANË- Flakët e zjarrit kanë përfshirë një banesë sot në Tiranë. Ngjarja ka ndodhur në orët e pasdites në zonën e “Pazarit të Ri” në Tiranë dhe forca të shumta zjarrfikëse kanë shkuar në vendngjarje për të shuar flakët.
Mësohet paraprakisht se shtëpia i përkiste Nezihat Stërmasit, bashkëshortja e ndjerë e ish-futbollistit të njohur Selman Stermasi, i ekipit të Tiranës, e cila ndërroi jetë disa muaj më parë. Aktualisht banesa ishte vendosur për shërbime dhe strehim social.
Nuk raportohet për persona të lënduar nga vatra e rënë në banesë. Aktualisht në atë shtëpi jetonin disa të moshuar, që mundën të dilnin nga ambientet para se të pësonin dëmtime.
Në aksion për shuarjen kanë qenë 3 zjarrfikëse që punuan për shuarjen e vatrës, ndërsa sipas policisë nuk ka persona të dëmtuar.
Për shkak të erës që e favorizon, forcat operacionale i tremben zgjerimit të hartës së vatrës së zjarrit.
Nuk dihen ende shkaqet e këtij zjarri, kurse dëmet materiale janë të konsiderueshme. Paralelisht po hetohet edhe për dinamikën e ngjarjes dhe shkaqet.
Komente
Apapapa ca pallati del Aty me 3500 euro metri
Përgjigju