TIRANË- Dy persona, njëri prej tyre nga Irani kanë rënë nga lartësia duke punuar në një banesë private në rrugën “5 Maji” në Tiranë.
Personat e dëmtuar janë Y.C., 47 vjeç dhe iraniani Solltan Majalldan, 59 vjeç, të cilët u dërguan menjëherë në spital dhe ndodhen nën kujdesin e mjekëve. Akoma nuk dihen shkaqet, nëse ata kanë pasur ndonjë problem shëndetësor apo nëse po punonin pa kushtet e duhura.
Sipas policisë, grupi hetimor ndodhet në vendngjarje dhe vijon puna për zbardhjen e rrethanave të ngjarjes.
Kujtojmë se më 16 qershor, një punëtor 50-vjeçar ka ndërruar jetë pasi ka rënë nga skelat e katit të dytë të pallatit në lagjen "11 Janari" teksa lyente.
Komento
