TIRANE - Familja kishte tetë ditë që e kërkonte, por sot kanë marrë lajmin e kobshëm, se kishte ndërruar jetë.
Policia e Tiranës njofton se ka gjetur të pajetë një 31-vjeçar i cili kishte 8 ditë që ishte larguar nga banesa.
Në rrugën e “Ullishtes”, në afërsi të Liqenit të Thatë, nga ana e shërbimeve të Komisariatit të Policisë Numër 1, u gjet i pajetë G. S., 31 vjeç, banues në Tiranë.
31-vjeçari ishte shpallur në kërkim nga Komisariati Numër 2 në Tiranë më datë 8 gusht për largim nga banesa.
"Nga kqyrja paraprake në trupin e viktimës nuk janë konstatuar shenja dhune. Dyshohet se vdekja i ka ardhur nga shkaqe natyrale. Materialet procedurale do t'i kalojnë Prokurorisë së Gjykatës Shkallës Parë Tiranë për veprime të mëtejshme", thotë policia e Tiranës në një njoftim paraprak.
Komente
