3 të rinj në Tiranë janë arrestuar pasi shisnin dhe shpërndanin lëndë narkotike në kryeqytet. Ndërsa, gjatë kontrollit në banesën e njërit prej të arrestuarve u gjet dhe një granatë.
Të arrestuarit janë: Një 23-vjeçar me iniciale M.H; një 25-vjeçar me iniciale D.A dhe një 27-vjeçar me iniciale I.A.., të tre banues në Yzberisht të Tiranës .
Nga hetimet u zbulua se 25-vjeçari dhe 23-vjeçari kryenin aktivitetin e paligjshëm në bashkëpunim me njëri –tjetrin. Në banesat e tyre u gjet një sasi kanabis e ndarë në doza, peshore elektronike, ndërsa në banesën e 25-vjeçarit u gjet dhe një granatë . Arrestimi i tyre ishte rezultat i veprime hetimore në kuadër të operacionit "Compensation", nisur që në vitin 2021.
U sekuestrua një sasi lëndë narkotike kanabis , një granatë, një peshore elektronike dhe 2 aparate celulare. Materialet i kaluan Prokurorisë, për veprime të mëtejshme procedurale.
Komente
