Një 27-vjeçar, Kristian Fusha ka rënë në prangat e bluve të Tiranës pasi akuzohet se së bashku me një person tjetër ende në kërkim, një 23-vjeçar me iniciale M.N. kanë vjedhur një vlerë prej 100 mijë lekësh nga 2 kasaforta në një banesë në Tiranë. Ngjarja ka ndodhur një muaj më parë.
Fusha në bashkëpunim me 23-vjeçarin e shpallur në kërkim, më 14 korrik kanë vjedhur në një banesë në lagjen "Ali Demi", 2 kasaforta me prej 100 mijë lekësh si dhe mjete identifikimi. Mësohet se 27-vjeçari i arrestuar ka qenë dhe më herët i dënuar për vjedhje.
Dy të rinjtë dyshohet se janë autorë edhe të disa vjedhjeve të tjera nëpër banesa, për të cilat vijon puna, me qëllim dokumentimin e tyre me prova ligjore.
Materialet i kaluan Prokurorisë, për veprime të mëtejshme procedurale.
