Pas 11 vitesh Tirana është shumë pranë fitimit të titullit kampion, por aktualisht kampionati është ndërprerë për shkak të koronavirusit. Në një intervistë për Report TV, trajneri i 24 herë kampionëve të Shqipërisë Emanuele Egbo, thotë se pret që futbolli të nisë sa më shpejt, ndërsa sipas tij në rast ndërprerje Tiranës i takon titulli në tavolinë.
“Siç e ka shprehur presidenti i klubit, kapiteni, lojtarët dhe të gjithë, e mira do të jetë të vazhdojë kampionati, pasi ne me këtë punë meremi. Pastaj në fund nëqoftëse e fiton Tirana do të jetë më mirë ta marim në fushë, por nëse kampionati ndërpritet pse most a marrim në tavolinë.”
I pyetur se si do të ishte festimi i titullit pa tifozë, për shkak të koronavirusit, Egbo Shprehet:
“Unë e kam thënë, presim ta fitojmë njëherë, por siç ka deklaruar edhe presidenti, klubi nuk duhet ta festojë titullin pa tifozë. Do të jetë për të mirën e të gjithëve që titullin ta festojmë me tifozë (pasi të ketë kaluar koronavirusi).”
Ndërkohë i pyetur për akuzat e rivalëve se Tirana po stërvitet këto kohë përkundër ligjit, duke krijuar një avantazh në luftën për titull nëse kampionati vazhdon Egbo përgjigjet:
“Nuk e di pse, sepse nuk kam parë vetëm një, por shumë njerëz, që thonë se Tirana ka bërë këtë ka bërë atë. Ne gjithmonë meremi me punën tonë. Unë e di se pa përjashtim të gjithë ekipet e tjera janë duike bërë stërvitje në mënyrë individuale.”
