Punonjësit e policisë së shtetit do të duhen të plotësojnë një tjetër formular në kuadër të lidhjeve apo kontakteve me krimin e organizuar. Më parë punonjësit e policisë iu nënshtruan plotësimit të një formulari në lidhje me përdorimin e aplikacionit Sky Ecc.
Tashmë do të plotësohet formulari ku përveç pyetjeve gjeneraliste, do të ketë edhe pyetje nëse punonjësit e policisë kanë pasur kontakte me krimin e organizuar, kontakte të çfarëdollojshme, qoftë edhe komunikime elektronike.
Nga ana tjetër ka edhe pyetje nëse punonjësi i policisë ka pranuar apo shkëmbyer para, favore, dhurata ose pasur me persona të përfshirë në krimin e organizuar.
Policia e shtetit, ashtu siç është deklaruar edhe nga ministri i Brendshëm Taulant Balla është në një proces vetëpastrimi, ku një aspekt i kësaj është edhe plotësimi i këtij formulari që është i dyti pas atij nëse punonjësi i policisë ka përdorur aplikacionin e shumëpërdorur nga krimi, Sky Ecc.
Nisma vjen edhe pas hetimeve të SPAK apo operacioneve policore ku nxori në pah shumë drejtor policie të përfshirë në krimin e organizuar.
Pyetjet në formularin e vetëdeklarimit “Mbi verifikimin e integritetit të punonjësve të strukturave në Policinë e Shtetit”:
1) A jeni dënuar me vendim të formës së prerë nga autoritetet gjyqësore shqiptare ose të huaja ?
2) A keni kryer shkelje sigurie, a keni shkelur rregullat e sigurisë së informacionit të klasifikuar, a keni tentuar dhe keni arritur të kryeni aktivitet të paautorizuar në sistemet e komunikimit të informacionit të klasifikuar ?
3) A keni në hetim ose gjykim nga autoritetet shqiptare ose të huaja, për vepra penale ?
4) A keni qenë i ndaluar ose arrestuar nga organet ligjzbatuese shqiptare ose të huaja, për vepra penale ?
5) A është caktuar ndaj jush ndonjëherë masë shtrënguese e sigurisë personale ?
6) A është lëshuar ndaj jush urdhër kërkimi kombëtar ose ndërkombëtar për vepra penale ?
7) A keni pasur kontakte të papërshtatshme, komunikime elektronike, ose çfarëdolloj mënyre tjetër takimi apo komunikimi të qëllimshëm, me persona të përfshirë në krim të organizuar?
8) A keni pranuar apo shkëmbyer para, favore, dhurata ose pasuri me persona të përfshirë në krim të organizuar ?
.jpg)
Komente
/BENI/,njelloj do te digjen,edhe po e pranuan edhe po te thone /jo/,vetem se po thane /jo/ dhe vertetohet e kunderta,akuzes se pare si bashkepunetor,apo mik/i favorizuar i krimineleve do t'i shtohet dhe fallsifikim formularesh e mashtrim.Eshte thjesht ceshtje kohe.
PërgjigjuIris, nuk ka rendesi nese do ti shtohet edhe nje akuze e re, akuzes per lidhje me krimin e organizuar. Denimet bashkohen, nuk shtohen. Keshtu qe nuk ka rendesi fare. Krimi eshte bere njësh me ne, nuk c'behemi dot më ne.
Problemi i pare eshte qe eshte kopje e shemtuar e atyre te DSIK, kjo e fundit te marra nga SHISH. Zbatohet per pajisje me certifikate sigurie per njohje me info "sekret shteteror" ne RSH. Problemi i dyte eshte nese, fjala bie, Edi Rama do aplikonte per pune ose ishte pjese e policise. Si do pergjigjej ai ketyre pyetjeve???!!!
PërgjigjuSa idiota jeni, sikur do thote njeri " po " Te gjithe jo do thone Pavarsisht se jane 80 % te implikuar ne cdo trafik Dhe banda kriminale dhe informator e shofera bodyguard
Përgjigju