Donald Mëllugja nuk është më pjesë e Egnatias. Kryesuesit e Superligës humbasin pjesë në mesin e fushës, me 28-vjeçarin që pritet të jetë përforcimi më i ri i Erzenit, po në Superligë.
Mesfushori nga Burreli këtë sezon ka marrë 636 minuta në këmbë, kjo të ndara në 17 ndeshjet e Superligës, duke dhuruar edhe dy asiste. Edhe pse pa shumë alternativa në mesin e fushës, rrogozhinasit kanë vendosur që të lënë të lirë Mëllugjën, që kishte kontratë me Egnatian deri verën e 2025.
Duket se mungesa e hapësirave si titullar ka bërë që mesfushori të ndërrojë ambient, por jo kampionat. Tanimë ai do ndihmojë shijakasit për objektivin mbijetesë.
I dalë nga Burreli, Mëllugja ka luajtur edhe për Ilirinë, Besën, Bylisin, Partizanin dhe Kastriotin.
Komento
Komente
