Kronikë

Akuzohet se tjetërsoi 10 mijë metra katrorë tokë në Gjilekë të Himarës, GJKKO vendos gjykim të shkurtuar për Jorgo Goron

Gjykata e Posaçme vendosi sot gjykim të shkurtuar ndaj ish-kryebashkiakut të Himarës Jorgo Goro, të akuzuar për shpërdorim detyre në 2 raste të tjetërsimit të pronave, dhe fshehje të pasurisë. Ndaj Goros, qëndron ende i hapur hetimi për një tjetër tokë në Himarë, të cilën e përfitoi ish-kryebashkiaku i komanduar, Bollano.

27 Janar, 11:12| Përditesimi: 27 Janar, 15:55

  • Share

TIRANE-  Për ish kryebashkiakun e Himarës Jorgo Goro, i pandehur për “Shpërdorim të detyrës” 2 herë, dhe mosdeklarim pasurie në kohën kur ishte kryebashkiak, vendimmarrja në GJKKO pritet të jetë shumë shpejt.

Në seancën e parë të themelit mbajtur sot (27 janar) Gjyqtari i themelit Ardit Mustafaj pranoi kërkesën e ish kryebashkiakut për procedurën e gjykimit të shkurtuar. Bashkë me Jorgo Goron, gjykimi me procedurë të shkurtuar do të jetë edhe për ish zyrtarët e tjerë, kokretisht për ish juristin e Hipotekës Vezir Gjikoka dhe ish Drejtorin e Drejtorisë së Menaxhimit dhe Mbrojtjes së Tokës pranë Bashkisë Himarë Jerasimo Bashi. Ndërsa ish kreu i Kadastrës Vlorë Bilbil Aliaj, do të gjykohet me gjykim të zakonshëm.

Në seancë ku ishte i pranishëm edhe vetë Goro, i cili prej kohësh ndodhet në spitalin e burgut për shkak të gjendjes shëndetësore, Gjykata vendosi 13 shkurtin ditën kur prokuroria do të japë pretencën.  

Tjetërsimi i 10 mijë metrave katrorë
Sipas prokurorëve të Posaçëm, hetimet treguan se Goro përcolli pranë organeve kompetente dokumente të falsifikuara duke bërë të mundur regjistrimin e një toke bujqësore pronë shtet, në favor të Stavri Mëhillit, në kërkim. Pas kësaj procedure, toka u shit te një shoqëri private me përfaqësues ish-deputetin Artan Gaçin. Në total 10 mijë m2 tokë e tjetërsuar në 2 sipërfaqe të ndryshme, tashme është e sekuestruar me vendim të GJKKO.

Po kështu nga hetimi penal sipas SPAK rezultoi plotësisht e provuar se ish kryebashkiaku ka fshehur dhe nuk ka deklaruar një apartament, me sipërfaqe totale 81.41 m2, me adresë në Tiranë, të cilin e kishte regjistruar ne emrin e një shtetasi tjetër me inicialet G.S.

Në seancën e radhës,të datës 10 shkurt, ora 13.00, Prokuroria e Posaçme do të japë pretencën. Paralelisht Prokuroria e Posaçme kreu edhe një hetim pasuror për ish kryebashkiakun e Himarës.

Akuzat për dosjen e Himarës
Jorgo Goro - me detyre Kryetar i Bashkise Himare, ne hetim nen masen ‘Arrest me Burg”. Akuzohet per  'Shperdorim detyre ne dy raste” dhe “refuzim per deklarim dhe 'mosdeklarim te pasurise”
Jerasimo Bashi - me detyre Drejtor i Drejtorise se Mbrojtjes dhe Menaxhimit te Tokes, Bashkia Himare. Ne hetim nen masen “Arrest ne shtepi”  Akuzohet per  “Shperdorim detyre”, kryer ne bashkepunim
Bilbil Aliaj - me detyre Drejtor i ASHK-se (kadastra)  Drejtoria Vendore Vlore (ne kohen e ngjarjes), Ne hetim nen masen “Arrest ne shtepi”.  Akuzohet per “Shperdorimi i detyres”, kryer ne bashkepunim
Vezir Gjikoka - me detyre Jurist prane ASHK-se Drejtoria Vendore Vlore (ne kohen e ngjarjes). Në hetim nën masën “Arrest në shtëpi”.  Akuzohet për “Shpërdorimi i detyrës”, kryer në bashkëpunim
Stavri Mëhilli – Ende në kërkim! Në hetim nën masën  “Arrest në burg” në mungesë! Akuzohet për  “Falsifikimi i dokumentave”, më shumë se një herë dhe “Falsifikimi i vulave, i stampave, ose i formularëve”, më shumë se një herë

S.G/r.k./ReportTv.al
Komento

Komente

  • Sondazhi i ditës:

    Trump tarifa doganore 10 për qind Shqipërisë, sa ndikon në ekonomi?