ELBASAN- Policia e Elbasanit ka proceduar penalisht ish-kryetarin e komunës, 52-vjeçarin me iniciale A. Ç., ish-drejtorin e ZRPP Peqin, S. D., 65 vjeç dhe J. D., 64 ish-topograf në ZRPP Peqin.
Blutë e Elbasanit bëjnë me dije se ish-kryetari i komunës Kodovjat është proceduar penalisht pasi gjatë vitit 2013 ky shtetas duke shpërdoruar detyrën ka falsifikuar dokumentet e pronësisë të një trualli.
Ndërsa, ish-drejtor në ZRPP Peqin dhe ish-topograf në ZRPP Peqin, gjatë vitit 2009, në bashkëpunim me njëri-tjetrin duke shpërdoruar detyrën kanë falsifikuar dokumentet e pronësisë të një trualli.
Njoftimi i plotë:
Nga specialistët për hetimin e krimit ekonomik e financiar në Drejtorinë Vendore të Policisë Elbasan, u proceduan penalisht në gjendje të lirë shtetasit:
• A. Ç., 52 vjec, banues në fshatin Kodovjat, Gramsh, ish-kryetar i komunës Kodovjat, pasi gjatë vitit 2013 ky shtetas duke shpërdoruar detyrën ka falsifikuar dokumentet e pronësisë të një trualli.
• S. D., 65 vjec ish-drejtor në ZRPP Peqin dhe J. D., 64 vjec, ish-topograf në ZRPP Peqin, pasi gjatë vitit 2009 këta shtetas në bashkëpunim me njëri-tjetrin duke shpërdoruar detyrën kanë falsifikuar dokumentet e pronësisë të një trualli.
Materialet hetimore i kaluan Prokurorisë pranë Gjykatës së Shkallës së Parë Elbasan, për veprat penale "Falsifikimi i dokumenteve" dhe "Shpërdorimi i detyrës".
Komente
Fshatarë, fshatarë dhe vetëm fshatarë....na mbytën fshatarët!
Përgjigju