Stinët nuk varen nga distanca e Tokës me Diellin, sic besojmë ne njerëzit. Aktualisht, Toka ka arritur pikën më të largët të orbitës së saj nga Dielli, i ashtuquajturi”aphelion”, sipas Ansës.
Distanca e saj ishte mbi 152 milionë kilometra larg, kundrejt një mesatare prej rreth 150 milionë kilometrash.
“Fakti që është verë pikërisht kur Toka është në pikën më të largët nga ylli i saj i cili tregon në mënyrë dramatike se stinët nuk varen nga kjo distancë, siç besojnë ende shumë njerëz”, nënvizon Gianluca Masi, astrofizikan dhe drejtor shkencor i Teleskopit Virtual.
Data në të cilën planeti ynë është në ‘aphelion’ është shumë e ndryshueshme: vitin e kaluar, për shembull, ai ra më 6 korrik, ndërsa në 2022 ra më 4 korrik.
Kjo është kryesisht për shkak të pranisë së Hënës. Në fakt, nuk është vetëm Toka që rrotullohet rreth Diellit, por sistemi Tokë-Hënë, i cili ka një qendër graviteti të zhvendosur nga qendra e planetit.
Kur Hëna është e plotë, dhe për këtë arsye në anën e kundërt të Tokës nga Dielli, planeti ynë afrohet afërsisht 4700 kilometra.
Në të kundërt, kur Hëna është midis Diellit dhe Tokës, në fazën e Hënës së re, kjo e fundit është pak më larg.
Prandaj, sateliti ynë, në varësi të pozicionit të tij, ndikon në distancën midis planetit tonë dhe yllit tonë me disa mijëra kilometra, gjë që bën që afelia dhe perihelia (pikat e distancës minimale) të vonohen ose të çohen përpara, shkruan Ansa, duke iu referuar astrofizikantit Masi.
