Në një banesë në Vigevano u sekuestruan 27 kilogramë lëndë narkotike, 22 kilogramë hashash të ndarë në 122 pako ishin fshehur brenda në frigorifer, ndërsa 5 kilogramë kokainë, e paketuar në blloqe me imazhin e Al Pacinos në filmin Scarface ose në qese të mbyllura me nxehtësi, ishin shpërndarë në vende të ndryshme të banesës.
Hetimet u drejtuan nga karabinierët e Genova Centro, të cilët kishin vënë re një 29-vjeçar shqiptar me sjellje të dyshimta dhe e ndoqën deri në banesën e tij, në një apartament në qytetin Vigevano.
Pak ditë më parë, me ndihmën e kolegëve të Kompanisë së Vigevanos, i riu u ndalua dhe iu gjetën 58 gramë kokainë me vete. Më pas u krye kontrolli në banesë, ku u zbulua edhe sasia e madhe e drogës. Në shtëpi u gjetën gjithashtu 7 mijë euro cash, të cilat dyshohen se janë përfituar nga aktiviteti i shpërndarjes së drogës, raportohet në media.
29-vjeçari u arrestua dhe u dërgua në burgun e Pavias, ku ndodhet në pritje të seancës për konfirmimin e arrestit.
Komente
Tipik katundar ne mendësi. Pa fshire akoma cokokremin nga buzet, ka enderruar te behej bos i madh droge.
Përgjigju