Të dielën e 29 tetorit Interi dhe Roma luajnë në "San Siro" për javën e dhjetë në Serie A. Dueli vendos përballë disa ish-a, me Lukakun që rikthehet në Milano pas një "telenovele" vere dhe akuzave për tradhti kundër Interit.
Në orën 18:00 mikpritja për Lukakun do jetë ndryshe, me sulmuesin që tanimë është pjesë e Romës. Ultrasit zikaltër janë përgatitur dhe do kenë në stadium 30 mijë bilbila, teksa do fërshëllejnë në çdo moment që Lukaku do ketë topin në këmbë.
Me idenë e një "zëri të dridhur dhe të fortë që simbolizon një dashuri të tradhtuar", zikaltërit kërkojnë të bezdisin sa të munden ish-sulmuesin që për dy sezone ka qenë pjesë e tyre.
Asgjë personale me Romën, të gjitha brohorimat do jenë privatisht për Lukakun që shpreson nga autoritetet të ndalin futjen e bilbilave në stadium.
