Tirane- GJKKO la në arrest me burg 3 personat e arrestuar për trafik armësh drejt Britanisë së Madhe. Ata janë Adulla Hoxhaj, Bojken Turtulli, Rifat Avdiaj, ndërsa 3 të tjerë janë shpallur në kërkim dhe sipas SPAK fshihen në Angli.
Të tre akuzohen për trafik ndërkombëtar armësh, por ata nuk e kanë pranuar në seancë akuzën.
Gjatë operacionit të ndërrmarrë dje të koduar 'Inkorporimi' janë sekuestruar një arsenal armësh prej 25 armë zjarri qindra fishekë, lazera që i montohen armëve speciale dhe shërbejnë për qitje në distancë, dhe pajisje optike. Si dhe janë sekuestruar veshje kamuflazhi si ato të forcave speciale, 4 automjete, 8 celularë, karta SIM, 2 laptopë dhe 2 armë të ftohta (thika).
Armët dhe veshjet e sekuestruara janë kapur nga policia në shtëpinë e Adulla Hoxhaj, që dyshohet se ishte koka e këtij grupi kriminal. Gjithashtu u bënë kërkime në 6 banesa në Tropojë e në Tiranë.
Komente
