POJAN- Një ngjarje tronditëse është regjistruar në kanalin e Pojanit në Fier mesditën e kësaj të premteje ku ka ndërruar jetë një 21-vjeçar nga Roskoveci.
I riu, Hamit Senka ishte duke peshkuar me miqtë e tij dhe aksidentalisht ra në kanal, prej të cilit nuk mundi të dalë dot. Ngjarja ndodhi rreth orës 12:40 në fshatin Pojan.
Shërbimet e Policisë dhe palombarët gjetën pas dy orësh kërkime trupin e viktimës.
Grupi hetimor po punon për zbardhjen e plotë të rrethanave të ngjarjes.
Ora 14:42
U mbyt në kanalin e Pojanit në Fier, pas dy orësh kërkime palombarët gjejnë trupin e 21-vjeçarit
Pas kërkimeve të pandërprera përreth 2 orë nga shërbimet e Policisë Fier, u bë e mundur gjetja dhe nxjerrja nga uji i trupit të pajetë të shtetasit H. S., 21 vjeç, i cili duke peshkuar në një kanal në Pojan, ra aksidentalisht dhe u mbyt në kanal.
Komento
