Një ngjarje e rëndë ka ndodhur, pasi një ish-ushtar tajlandez ka qëlluar për vdekje nusen e tij dhe 3 persona të tjerë para se të kryente vetëvrasje në ditën e dasmës. Lajmin e ka konfirmuar policia për prestigjiozen BBC News.
29 vjeçari Chaturong Suksuk dhe 44 vjeçarja Kanchana Pachunthuek u martuan të dielën në verilindje të Tajlandës. Sipas raportimeve, ai u largua nga ceremonia papritur, për t’u kthyer me një armë zjarri me të cilën qëlloi për vdekje nusen e tij të re, vjehrrën dhe kunatën, teksa plumbat i morën jetën dhe një të ftuari.
Personat e pranishëm në ceremoni tregojnë se 29 vjeçari pati një debat me bashkëshorten, e cila ishte disa vjet më e madhe se ai.
Chaturong ishte një atlet paraolimpik. Vitin e shkuar ai fitoi medalje të argjendtë në not në Lojërat Aziatike që u mbajtën në Indonezi, teksa ishte në listën e pjesëmarrësve dhe në Ëorld Abilitysport Games që do të mbahen muajin e ardhshëm në Tajlandë.
29 vjeçari kishte humbur njërën nga këmbët teksa shërbente në këmbësorin e ushtrisë tajlandeze, në një mision për ruajtjen e kufirit.
Komente
A do i importoni edhe vrasjet nga Tajlanda ?
Përgjigju