Orjol Lame, 32 vjeç, del nga koma pas tre muajsh nga aksidenti tragjik dhe kupton që anëtarët e familjes së tij kanë humbur jetën nga aksidenti tragjik që ndodhi pranë Reggio Emilia dhe thotë se nuk mban mend asgjë. Në aksident vdiqën partnerja e tij 22-vjeçare Shane Hyseni, djali i tij Mattias dhe vëllezërit e gruas Resat dhe Rejana Hysen 9 dhe 11 vjeç dhe nuk mban mend asgje çfarë ka ndodhur. Ai po ngiste makinën e tij me partneren e tij në makinë, djalin e tij një vjeç e gjysmë dhe nipërit e tij 11 dhe 9 vjeç ndërkohë që ndodhi aksidenti. Makina me të cilën po udhëtonin doli nga rruga dhe u përplas me një shtëpi të pabanuar. Aksidenti i tmerrshëm ndodhi më 30 tetor 2022 në Via Emilia në Gaida, një komunë në provincën e Reggio Emilia.
Orjol Lame, 32 vjeç, me origjinë shqiptare, po udhëtonte në shoqërinë e partnerit të tij 22-vjeçar Shane Hyseni, djalit të tij të vogël Mattias dhe vëllezërve të vegjël të gruas Resat dhe Rejana Hysen të moshës 9 dhe 11 vjeç. Shoferi, i vetmi i mbijetuar nga aksidenti tragjik rezultoi se kishte konsumuar drogë dhe alkol në momentin e aksidentit dhe si rrjedhojë nuk ishte i vetëdijshëm për të drejtuar mjetin. Ai thotë se nuk mban mend pothuajse asgjë
Tani, tre muaj më vonë, 32-vjeçari shqiptar është zgjuar, edhe pse gjendja e tij neurologjike mbetet mjaft e rëndë. Burri ende nuk është në gjendje të flasë dhe duket se praktikisht nuk kujton asgjë nga ajo që ka ndodhur. Krahas pasojave për shëndetin, burrit tashmë do t'i duhet të përballet me tronditjen e humbjes shumë të rëndë dhe ndoshta edhe një gjyq. Do të jetë detyrë e një eksperti që të kryejë kontrollet e duhura për të vlerësuar nëse ai është në gjendje ose jo të paraqitet në sallën e gjyqit. Kallëzimi duhet të paraqitet brenda 90 ditëve dhe do të jetë vendimtar për akuzën e tij (që në rastin do të ishte vrasje në rrugë dhe drejtim i automjetit nën efektin e drogës, duke qenë se nga analizat e kryera rezultoi se 32-vjeçari kishte konsumuar alkool dhe droga .
Sipas mediave italiane, Lame rezultonte se ishte arrestuar edhe dy herë gjatë viteve të fundit. Herën e parë, ishte arrestuar më prill të 2020 për shpërndarje droge. Karabinierët në Sant’Ilario e kapën me kokainë, heroinë dhe morfinë. Lame u arrestua në flagrancë teksa shkëmbente drogën me një klient.
Ndërsa e herën e dytë në Shkurt të 2021, ai u arrestua në Campoformido. Karabinierët e arrestuan ndërkohë që gjendej në makinë bashkë me një 51-vjeçar nga Parma, i skeduar nga autoritetet. Ndaj Orjol Lames kishte një urdhër dëbimi, lëshuar në vitin 2020 nga autoritetet në Reggio Emilia. Sipas këtij vendimi, shqiptari nuk duhej të kthehej në Itali para vitit 2025. Sipas skemës që u rindërtua nga hetuesit, Orjol Lame nuk duhet të kishte marrë kurrë leje drejtimi italian dhe në momentin e aksidentit në Via Emilia, ku mbetën të vdekur katër persona, drejtonte një automjet të pasiguruar, Fiat Stilo.
