LEZHË- Një ngjarje tragjike ka ndodhur në ditën e sotme, ku një 12-vjecar është mbytur në detin e Talës në Lezhë. I mituri që ndërroi jetë banonte në fshatin Borizanë të Fushë Krujës. Akoma nuk dihen rrethanat e ngjarjes që shkaktuan vdekjen e të miturit në det dhe grupi hetimor po punon për sqarimin e tyre.
Kujtojmë se ditën e djeshme është shmangur mbytja në det e 3 të miturve që po laheshin në plazhin e Divjakës. Kurse në plazhin e Borshit fatkeqësisht humbi jetën një 41-vjeçar, i cili po lahej në det.
Këtë vit pushimet në bregdetin shqiptar janë kthyer në tragjedi për shumë persona, të cilët janë mbytur duke u larë në det. Mes tyre ka pasur vendas dhe pushues kosovarë të cilët kanë zgjedhur Shqipërinë si destinacionin e tyre të preferuar.
