I ftuar në emisionin “Klinika 24”, në Report TV, me moderatore Doreada Mio, ishte Gjergj Rryta, trajner fitnesi, i specializuar dhe për ushqyerjen e shëndetshme.
Ai foli për disa këshilla që të ndiqet aktiviteti fizik, gjë që ndikon në jetëgjatësinë tonë.
“Nëse ne kujdesemi për trupin tonë në rini, pra kujdesemi për muskujt dhe ushqimin e shëndetshëm, në do të shtojmë jetëgjatësinë tonë”, tha trajneri në studio.
Gjergji shtoi se do i rekomandonte grave në fazën e menopauzës që para se të nisin stërvitjet e trupit, të nisin aktivitetet kardiovaskulare më parë.
Trajneri tha se do ishte mirë që gratë të nisnin fillimisht me një ecje normale të lehtë, e më pas të shtojnë dozën e stërvitjes.
Javën e dytë mund të bëhen streçing ose pilates. Duhet të kombinohet aktiviteti fizik me ushqimet, si një mënyrë inteligjente për të mbajtur në formë trupin.
“Çelësi i një fiziku të mirë është që të ushqehemi mirë”, tha instruktori, duke nënvizuar se kjo është një formulë klasike, shumë efikase.
Lajmi kryesor:
Klinika 24’/ Infertiliteti te çiftet, dy mjekët Dekovi dhe Haxhiaj: Në rast se përballeni me probleme shtatëzanie, duhet të ekzaminoheni në kohë nga specialistët! Hapat që ndiqen
A.Q/E.H/ReportTv.al
