TIRANË- Transporti ajror është më i preferuari për shqiptarët. Një fakt i tillë është konfirmuar edhe nga Instituti i Statistikave, ku referuar shifrave zyrtare për 11 mujorin e vitit 2019 ka pasur një rritje me 12,7 %, krahasuar me të njëjtën periudhë të një viti më parë.
Koha më e shkurtër e udhëtimit, rehatia, por edhe për faktin se shpesh është një zgjidhje e "detyruar" për të përshkruar distanca më të largëta, e ka shndërruar transportin ajror në numrin "një" për shqiptarët, përtej çmimeve të kripura të biletave.
"Në muajin Nëntor 2019, transporti ajror i pasagjerëve zë 80,2 % të transportit gjithsej. Numri i pasagjerëve që kanë udhëtuar me linja ajrore, në njëmbëdhjetëmujorin 2019 është 3.066.488 pasagjerë, duke u rritur me 12,7 %, krahasuar me të njëjtën periudhë të një viti më parë", njofton INSTAT.
Në vendin e dytë, renditet transportin detar. Referuar INSTAT, ai ka pësuar një rritje të ndjeshme me 3,5 %, krahasuar me një vit më parë.
"Numri i pasagjerëve që udhëtojnë me linjë detare në Nëntor 2019 është 57.335 pasagjerë. Krahasuar me Nëntor 2018, ky tregues është rritur 21,8 %. Në njëmbëdhjetëmujorin 2019, kanë udhëtuar me linjë detare 1.495.495 pasagjerë, duke u rritur me 3,5 %, krahasuar me një vit më parë", bën të ditur INSTAT.
Nga shifrat zyrtare, transporti hekurudhor është më pak i përdorur, ku mes shumë motive, më kryesor është fakti se Hekurudha Shqiptare ka punuar vetëm dy ditët e para të muajit nëntor për efekt të mungesës së karburantit.
"Numri i pasagjerëve sipas transportit hekurudhor në Nëntor 2019 rezulton me 96,6% rënie krahasuar me Nëntor 2018, për shkak se Hekurudha Shqiptare ka punuar vetëm dy ditët e para të muajit për efekt të mungesës së karburantit", thuhet në njoftimin e INSTAT.
INSTAT: Statistikat e transportit, janar- nëntor 2019
Komente
Sistemi hekurudhor i prapambetur eshte pergjegjesia e padiskutueshme e gjithe qeverive per 30 vjet .Qeveria Rama duhet te jete nismetar e ndryshimeve ne sektorin hekurudhor ,duke nisur investimin e shume pritur dhe te domosdoshem per zhvillimin e turizmit ne linjenxTirane -Durres-Rinas si dhe te segmenteve ekzistuese sic u riparua nga privati lonja Ballsh-Vlore pasi ne te gjithe teritorin trasete jane por duhen ndryshuar tranversat nga ato druri ne betoni.Gjithe bota e ka hekurudhen sektor prioritar per zhvillimin ekonomik se eshte dhe me kosto te lire
PërgjigjuB.K, gazetarja me e mire e shqiptarja.com
Përgjigju