Një 44-vjeçar, i identifikuar si Flamur Dani është arrestuar nga policia e Shijakut pasi u kap duke transportuar 5 kallëpë lëndë eksplozive C4 dhe 5 kapsolla detonatorë. Ai akuzohet për veprën penale “Mbajtja pa leje dhe prodhimi i armëve, armëve shpërthyese dhe i municionit“.
Në kuadër të operacionit policor të koduar 'Stacioni', 44-vjeçari, banues në Manzë u kap në flagrancë në Maminas, kur sapo kishte zbritur nga një automjet i transportit publik. Gjatë kontrollit të ushtruar në çantën e shpinës së të arrestuarit, shërbimet e Policisë gjetën dhe sekuestruan në cilësinë e provës materiale 5 kallëpë lënde plasëse C4 dhe 5 kapsolla detonatore.
Vijon puna, në bashkëpunim me Prokurorinë pranë Gjykatës së Rrethit Gjyqësor Durrës, për identifikimin dhe kapjen e personit që do të blinte lëndët plasëse, si dhe për zbardhjen dhe dokumentimin e plotë të veprimtarisë kriminale të Danit.
Materialet i kaluan Prokurorisë pranë Gjykatës së Shkallës së Parë Durrës, për veprime të mëtejshme.
Komente
Denojeni per terrorizem kete rrace bastarde se po terrorizojne njerez sikur jemi ne Afganistan
PërgjigjuKa te drejte Beni. Ky nuk eshte ligj, ky nuk eshte shtet. Duhet se sben te hetohet per trafikim te lendeve plasese, qe sjellin vrasje dhe terror per grupet e strukturuara kriminale. Nese nuk vertetohet trafikimi te behen ligje te reja dhe te denohet mbajtja dhe transportimi i lendes plasese me dy nene te ndryshme.