Një sirian është arrestuar nga policia e Pogradecit, nën dyshimet se organizonte trafikun e paligjshëm të emigranteve të cilët vijnë nga vendet e Lindjes së Mesme.
Burime pranë komisariatit të Pogradecit thonë se ky shtetas është arrestuar rastësisht në mjetin e një shtetasi tjetër, ndërsa nuk behet me dije identiteti i tij. Dyshohet se ai ka përdorur dhe emra të tjerë dhe në momentin e ndalimit atij i janë gjetur dhe një sasi eurosh.
Sipas të njëjtave burime bëhet me dije se ka qenë sekuestrimi i telefonit ai që ka zbuluar edhe këtë person,duke nxjerrë të gjithë personat e kontaktit dhe bisedat që kishte zhvilluar gjatë këtyre muajve.
Personi në fjalë ka qenë për rreth 4 muaj në lëvizje në qytete të ndryshme të qarkut dhe jashtë tij,duke organizuar trafikun e emigrantëve që nga vendet e origjinës e deri në Tiranë apo nëpër vendet e tjera të BE.
