Tre alpinistë humbasin jetën brenda disa orësh në Gran Sasso, në Itali.
Sipas gazetës lokale ‘Il Centro’, dy viktimat, mes shtatë të tjerëve në muajt e fundit, ishin nën 30 vjeç dhe u gjetën të vdekur pranë Teramos.
Së bashku me dy alpinistë të tjerë ata u nisën drejt ‘ferrit’ ditën e enjte në mëngjes. Teksa prej disa orësh dy viktimat kishin humbur kontaktet, alpinistët e tjerë ngritën alarmin.
Trupi i një viktime të tretë, 49 vjeç i cili ishte zhdukur të mërkurën, gjithashtu u gjet në majën e Corno Grande.
Orteku ‘përpin’ 6 të rinj në Zvicër
Të paktën dy persona u plagosën dhe katër të tjerë mbetën të bllokuar nën borë pasi një ortek i madh ra mbi ta.
Grupi i sportistëve ishin duke bërë ski në një vendpushim në malet e Zvicrës.
Incidenti ndodhi në qytetin Andermatt, 68 milje pranë Zyrihut, rreth orës 10:50 të paradites me orën lokale, ndërsa dy skiatorë u dërguan në spitalin Kantonal Altdorf për të marrë mjekimin e nevojshëm, pasi morën disa dëmtime.
Video dramatike e publikuar nga mediat zvicerane tregon momentin kur orteku mbulon skiatorët.
Policia njoftoi se pas orës 18:00 me orën lokale nuk kishte më njerëz të bllokuar nën borë, pasi fatmirësisht të gjithë u shpëtuan nga ekipet e emergjencës.
Komente
