Odise Roshi vijon të jetë në formë të mirë dhe këtë e ka treguar në raundin e 23-të në Ligën e Parë të futbollit në Turqi. Erzurumspor fitoi 0-7 në udhëtim kundër Yeni Malatyspor, me fierakun që ka shënuar tre gola dhe ka dhuruar një asist.
Gjithçka nisi pas disa sekondave lojë, me Roshin që asistoi për Giorbelidze për golin e parë. Më pas Roshi shënoi golin e parë në minutën e 30-të, për të gjetur dopietën në minutën e 79-të dhe golin e tretë në të 89 minutë.
33-vjeçari e dërgon në gjashtë numrin e golave sezonal, me Erzurumspor që ngjitet në vendin e dytë me 40 pikë, pesë më pak se kryesuesit e Kocaelispor.
Për t'u përmendur se Odise Roshi ka luajtur 70 ndeshje dhe ka gjetur pesë herë rrugën e rrjetës me fanellën e Kombëtares, ndërsa pak muaj më parë njoftoi tërheqjen nga ekipi përfaqësues.
Komente
