Ka përfunduar me fitoren e çiklistëve italianë etapa e katërt e Turit të 75-të Çiklistik të Shqipërisë, me itinerar Vlorë-Sarandë, ku u përshkuan 123 km. Nikola Gafurini, i ndjekur nga shoku i tij i skuadrës të ekipit Sangemini, Paolo Totò, dhe nga Nichola Rabottini i skuadrës Meridiana kanë zënë tre vendet e para.
Ashtu si në dy etapat e para, që ishin dominuar nga çiklistët italianë, edhe në etapën e katërt, kanë dominuar çiklistët nga Italia. Etapën e tretë e fitoi Xhuliano Kamberaj, që garon me ekipin kombëtar të Shqipërisë.
Mbetet edhe një etapë, që do të jetë ajo me itinerar Sarandë-Fier, 162 km. Kujtojmë që marrin pjesë 13 ekipe nga Europa, por çiklistët italianë janë pretendentë dhe me shumë gjasa do ta fitojnë ata Turin Çiklistik të Shqipërisë.