Vrasja e Martin Bardhit dhe plagosja e 3 personave të tjerë në fund të muajit shtator ka rritur pasigurinë në Rrëshen. Forcat e Ndërhyrjes së Shpejtë ardhur nga Tirana janë dislokuar 24 orë në qytetin verilindor, me 10 mijë banorë. Siç shihet në pamjet e siguruara nga Report tv, efektivët ushtrojnë kontrolle për persona të dyshuar, që mund të kenë marrë pjesë në atentat.
Gjithashtu patrullat e policisë lëvizin gjatë gjithë kohës në qytetin e Rrëshenit.
Burime nga policia bënë me dije se janë hequr disa kamera sigurie me diametër të lartë dhe fushë veprimi 360 gradë që kontrollonin qendrën e qytetit. Dyshohet se këto kamera ishin vendosur nga grupe kriminale që vëzhgonin lëvizjet e kundërshtarëve. Gjithashtu në fokus të bluve janë dhe automjetet me xhama të zinj apo të rinj të skeduar për armë e drogë.
Drejtori i policisë së qarkut Lezhë, Alfred Elezi, mesditën e 26 shtatorit kur u vra Martin Bardhi do të deklaronte se shkak janë konfliktet e fisit Bardhi me fise ë tjera, por ende sot nuk ka të dhëna për autorët e krimit. Viktima 7 muaj më parë ishte përfshirë në një konflikt me Saimir Reçin, nipin e Kastriot Reçit, ky i fundit vrarë me snajper ne Janar te 2020-ës.
