Ka nisur puna në parkun arkeologjik të Apolonisë për restaurimin e kolonave të monumentit te Nimfeut. "Tani në këto momente është në fazën e ndërhyrjes nga stafi i parkut në bashkëpunim me institutin e monumenteve.
Pra kemi edhe një specialist. Është një ndërhyrje për ringritjen e kolonave", tha drejtoresha Ornela Dyrmishaj. Bëhet fjalë për një çezme monumentale në zonën periferike te parkut arkeologjik, e cila pritet të restaurohet brenda 2-3 javësh. Kostoja do të mbulohet nga buxheti i shtetit.
"Restaurimi mund të zgjasë 2-3 javë ku do të bëhet edhe mbyllja e punëve estetike. Kostoja e vetëm materialeve 60 mijë lekë dhe dita e punës e punëtorëve e specialistëve, mbulohen nga buxheti i shtetit" shtoi ajo.
Drejtoresha e këtij parku siguroi se janë marrë masa që ngjarja të mos përsëritet. "Masat janë si tek kontrolli 24 orë me roje dhe survejim i territorit", tha Dyrmishaj. Dëmtimi në parkun arkeologjik të Apoloninë ka ndodhur rreth 3 muaj më parë, kur vendi ishte izoluar për shkak të pandemisë. Kolonat janë gjetur të thyera më 13 prill, ndërsa ngjarja fillimisht u mbajt e fshehtë nga institucionet përgjegjëse.
Komente
Nga cka shihet ne foto, keta qe po punojne ka gjasa ta demtojne me keq. Cezme thote shkrimi, cezme. Po hidraulikun do ta kene thirrur valle? Hem...
Përgjigju