TIRANË- Të paktën katër ngarkesa me luleshtrydhe të importuara nga Greqia në vendin tonë kanë rezultuar me pesticide. Shqetësimi u përcoll nga RASFF, sistemi i alarmit të shpejtë për ushqimin i Komisionit Europian. Katër ngarkesat janë futur në treg, njëra më datë 17 shkurt, 2 ngarkesa në muajin mars dhe një më datë 1 prill.
Por, AKU në një njoftim për mediat nuk jep shumë detaje, veçse sqaron se çfarë ka ndodhur vetëm me ngarkesën e parë të 17 shkurtit që është futur në vendin tonë. Sipas njoftimit të AKU, e gjithë ngarkesa prej 52 kg me luleshtrydhe me pesticide është shitur e gjitha, një sasi në fakt që mund të shitet në treg brenda pak orësh.
Menjëherë pas kapjes së kësaj ngarkese, AKU thotë se e dërgoi monstra për analizim laboratorik, por e gjithë sasia rezulton e shitur.
Autoriteti Kombëtar i Ushqimit thotë se pas kapjes së kësaj ngarkese u është komunikuar të gjitha Pikave Kufitare që të marrin monstra nga 10 ngarkesa dhe bllokimin në kufi të çdo ngarkese me luleshtrydhe nga Greqia, deri në daljen e përgjigjes së analizave të çdo mostrimi për produktin. Por, në fakt ajo që nuk sqaron AKU është se edhe pse urdhëroi ndalimin e importit, si u futën në vend edhe 3 ngarkesa të tjera, 2 në muajin mars dhe tjetra më 1 prill! AKU nuk sqaron as nëse janë marrë monstra nga këto 3 ngarkesa që u futën në treg, sa është sasia e tyre dhe a u shit e gjitha në treg.
"Në kuadër të transparencës dhe informimit të publikut, Autoriteti Kombëtar i Ushqimit, bën me dije se për çdo rast të konstatuar (në treg apo në Pikat e Inspektimit Kufitar), të rezultuar jo-konform kërkesave dhe standardeve me legjislacionin në fuqi për produkte të importit, njoftohet Sistemi i Njoftimit të Shpejtë për Ushqimin dhe Ushqimin për Kafshë – RASFF. Lidhur me rastin e produktit Luleshtrydhe të një sasie prej 52 kg, të importuar nga Shteti i Greqisë, AKU në bazë të Planit të Monitorimit me Bazë Risku zbatoi procedurën e dërgimit në datën 17 shkurt 2025 për analizim laboratorik dhe pas daljes së rezultatit u angazhua nëpërmjet sistemit të gjurmueshmërisë për mbledhjen dhe tërheqjen nga tregu të kësaj sasie luleshtydhe. Në bazë të faturave të shitjes të paraqitura nga Operatori i Biznesit Ushqimor e gjithë sasia rezultonte e shitur.
Menjëherë pas këtij rasti, Autoriteti Kombëtar i Ushqimit ka bërë vlerësim të riskut për këtë produkt dhe e ka kategorizuar me risk të lartë. Për këtë, është komunikuar me të gjitha Pikat e Inspektimit Kufitar, për mostrimin e 10 ngarkesave të njëpasnjëshme dhe bllokimin në kufi të cdo ngarkese me luleshtrydhe, deri në daljen e përgjigjes së analizave të çdo mostrimi për produktin që mund të vijojë të importohet nga Greqia.
Synimi i urdhërimit për bllokime të tilla në PIK është që të pritet cdo rezultat analize e mostrimeve në të tilla raste. Në bazë të këtyre rezultateve do të përcaktohet nëse importet do të lejohen për tregtim brenda territorit shqiptar apo do të kthehen në vendin e origjinës. Lidhur me prononcimin në media të tre rasteve për njoftimin e AKU-së nga sistemi RASFF, ju bëjmë të ditur se ka qenë AKU që ka njoftuar sistemin RASFF si pasojë e zbatimit me korrektësi të planeve të monitorimit dhe marrjes së mostrave, si në tregun e brendshëm ashtu edhe në kufi (PIK)", njofton AKU.
AKU thotë se ka njoftuar subjektet të kthejnë pas produktin nëse ende e kanë në gjendje.
Komente
I keni ngrene me pesticide(nese nuk i keni lare),por nuk permbajne E.Coli,listeria etj qe vriten nga pesticidet.Keshtu qe keni mundesi te zgjidhni midis helmimit nga pesticidet dhe te semureni nga bakterie si listeria,e.coli,salmonela,campylobacteria,botulinumi,bacillet,etj qe mund t'i gjeni te ushqimet /bio/,por qe vriten nga pesticidet.
PërgjigjuKeto histori behen dhe filma keshtu qe mos u merzitni. Ai qe na helmoi me Salmole ishte ne kerkim dhe sapo beri pagesen tek prokuroret dhe pushteraret hetoet ne gjendje te lire. Ketu shteti eshte rrezuar!
PërgjigjuKemi hallin e Berishës po le te helmohemi, halli kur do iki Berisha po edhe bar do hamë.
PërgjigjuOre Bravo otq ty me gjith berishen. Ktu po na helmoen kalamajt ti e ke menjen ke berisha o plere e kti sistemi si berisha e si tere palaçot e karletos je ti
AKU duket qe vepron si nje Institucion shume i Papergjegjshem dhe qesharak ! Dmth keta bejne analiza pasi ne konsumojme produktin !!??
PërgjigjuPërsëri AKU fle gjumë,futini të gjith në burg këta ndyrësira...kjo vjen se nuk ka organizma të pa varura që ti shkulë këta maskarenj.
Përgjigju