GREQI- Një ngjarje e rëndë ka tronditur vendin fqinj, Greqinë, kur 45-vjeçari shqiptar është arrestuar pasi përdhunonte të bijën e mitur prej 5 vitesh.
Ka qenë vajza e mitur 17-vjeçare e shoqëruar nga nëna e saj, ajo që ka denoncuar se i ati e ka përdhunuar prej moshës 12-vjeçare.
Menjëherë sapo ajo e kallëzoi ngjarjen e rëndë, policia është shfaqur në derën e shtëpisë së familjes shqiptare për të arrestuar 45-vjeçarin.
Ndërkohë vajza e mitur i është nënshtruar kontrollit mjekësor, me qëllim hetimin dhe vërtetimin e denoncimit.
Familja me origjinë shqiptare është e përbërë prej 4 personash dhe jetonte në një fshat, Assos Korinthias. Sipas mediave të huaja, babai i familjes ishte i papunë prej shumë kohësh, ndërkohë ka qenë nëna ajo që siguronte të ardhurat për shtëpinë.
