Mohamed Salah dhe Roberto Firminho, dy ‘yjet’ e ekipit të Liverpool, do të mungojnë në gjysmëfinalen e kthimit të “Champions League” që skuadra angleze do të luajë kundër Barcelonës. Për këtë nuk ka më asnjë dyshim pasi ka qenë vetë trajneri i “the reds”, Jurgen Klopp, ai që e ka konfirmuar diçka të tillë në konferencën për shtyp para ndeshjes.
Për Mohamed Salah kishte shpresë edhe pse egjipiani në fundjavë u largua me barelë nga fushë në ndeshjen me Neëcastle. Përveç Salah edhe Firminho nuk ka arritur ta lërë pas dëmtimin në kyçin e këmbës që e mundon prej dy javësh brazilianin.
Duke parë që ndeshja e parë në Katalonjë ka përfunduar 3-0 në favor të Barcelonës dhe mungesat e Liverpool, duket shumë e vështirë që anglezët të kalojnë në finalen e kompeticionit më të rëndësishëm në Europë.
Komente
