Donald Trump fitoi shtetin e Arizonës në zgjedhjet presidenciale të kësaj jave në SHBA, duke përfunduar spastrimin e republikanëve në të shtatë shtetet suing, ose të lëkundura.
Pas 4 ditësh numërimi në shtetin me një popullsi të madhe hispanike, Trump mori 11 votat e mbetura elektorale duke mposhtur zv.presidenten Kamala Harris.
Me Arizonën, Trump ka siguruar 312 vota elektorale në total, kundrejt 226 votave elektorale të Harris. Gjashtë shtetet e tjera të fituara nga Trump në garën presidenciale janë Pensilvania, Wisconsin, Michigan, Karolina e Veriut, Nevada dhe Xhorxhia.
Shkalla dhe forca e rikthimit të Trump, i cili gjithashtu mori edhe votën popullore me një diferencë prej rreth 4 milionë votash, ka shkaktuar tronditje në Partinë e mundur Demokratike.
Republikanët tashmë kanë rifituar kontrollin e Senatit dhe duket se do të ruajnë shumicën në Dhomën e Përfaqësuesve falë mbështetjes nga votuesit e bardhë të klasës punëtore dhe një pjesë të madhe të hispanikëve.
Trump, i cili kurrë nuk e pranoi humbjen e tij në vitin 2020, vulosi një rikthim të jashtëzakonshëm në presidencë në votimin e 5 nëntorit.
Takimi midis presidentëve në ikje dhe atij të ardhshëm konsiderohet i zakonshëm, por Trump nuk e ftoi Biden për një të tillë, pas pretendimeve për mashtrime zgjedhore që kulmuan në trazirat e Kapitolit të 6 janarit 2021.
Sondazhet treguan se shqetësimet kryesore të votuesve mbetën ekonomia dhe inflacioni që u rrit nën Biden në vazhdën e pandemisë COVID.
Presidenti 81-vjeçar, i cili u largua nga gara për Shtëpinë e Bardhë në korrik për Ndërkohë ish-kryetarja e Dhomës së përfaqësuesve Nancy Pelosi e ka drejtuar gishtin nga Biden si përgjegjës për humbjen, duke thënë se duhej të kishte dalë shumë mjë herët nga gara për t’u hapur rrugënb kandidatëve të rinj.
