Donald Trump tha këtë të mërkurë se SHBA është shfrytëzuar nga "mashtues" dhe është "plackitur" nga të huajt ndër vite dhe kjo është arsyeja kryesore se përse ai ka vendosur të hakmerret me tarifa doganore shtesë mbi mallrat që ata eksportojnë në superfuqinë ekonomike të botës (të paktën deri më tani).
Të parave që u njoftoi masat e marra nga ai ishin aleatët, Bashkimi Europian dhe Mbretëria e Bashkuar, importet nga të cilat, do të tarifohen përkatësisht 20% dhe 10%. Po ashtu edhe mallrat që Kina eksporton në SHBA do të përballen me një tarifë doganore 34%.
Për presidentin republikan, volumi i mallrave që SHBA-të importojnë nga vendet e tjera është shumë më i madh se volumi i mallrave amerikanë që eksportohen, dhe kjo diferencë është e padrejtë për kreun e Shtëpisë së Bardhë.
Sipas REL, të prekura nga këto tarifa doganore janë edhe Shqipëria me Kosovën, në masën 10%, për mallrat që shesin në SHBA. Serbia 37%, Bosnia e Hercegovina 35% dhe Maqedonia e Veriut 33%.
Nga Kopshti i Trëndafilave në Shtëpinë e Bardhë, presidenti republikan tha se do të vendosë një tarifë doganore 25% mbi të gjitha automjetet e prodhuara jashtë SHBA, e cila do të hyjë në fuqi që nesër.
Tarifat ‘bazë’ prej 10% do të hyjnë në fuqi më 5 prill, ndërsa për vendet e konsideruara si "shkelësit më të mëdhenj" – 60 shtete që do të përballen me tarifa shtesë përveç atyre minimale – ato do të fillojnë nga 9 prilli.
Me një tabelë në dorë, Trump shpalosi % e tarifës doganore që prek secilin vend më të cilin SHBA ka marrëdhënie tregtare, duke saktësuar për publikun fillimisht tarifat doganore që këto vende kanë për importet amerikane.
.jpg)
Disa prej vendeve që preken nga tarifat doganore (përqindja)
Dollari ka pësuar një rënie të dukshme kundrejt euros pas njoftimit të presidentit amerikan Donald Trump për tarifa të përgjithshme për pjesën tjetër të botës, me një nivel bazë prej 10%. Kursi i këmbimit euro-dollari është rritur në më shumë se 1,09 dollarë nga 1,0840 që ishte para njoftimit të Trump dhe nga 1,0793 i ditës së djeshme.
Vjen reagimi i Britanisë së Madhe pasi Donald Trump shpalli tarifat doganore. Shtetet e Bashkuara janë "aleati ynë më i afërt", tha Sekretari Britanik i Tregtisë dhe Ekonomisë, Jonathan Reynolds , por "asgjë nuk përjashtohet. "Ne gjithmonë do të veprojmë në interesin më të mirë të bizneseve dhe konsumatorëve në Mbretërinë e Bashkuar. Kjo është arsyeja pse, gjatë javëve të fundit, qeveria është fokusuar ekskluzivisht në negocimin e një marrëveshjeje ekonomike me Shtetet e Bashkuara që forcon marrëdhëniet tona tregtare ekzistuese, të drejta dhe të drejta".
Kryeministri suedez Ulf Kristersson gjithashtu komentoi njoftimin e Donald Trump në një video të publikuar në X: “Më vjen shumë keq për rrugën e ndërmarrë nga Shtetet e Bashkuara, të cilat synojnë të kufizojnë tregtinë me tarifa më të larta. Ne nuk duam rritje të barrierave tregtare. Ne nuk duam një luftë tregtare," shkroi kryeministri.
"BE do të duhet të përgjigjet në mënyrë proporcionale, duke mbrojtur qytetarët tanë, punëtorët tanë dhe bizneset tona. BE dhe Irlanda janë të gatshme të gjejnë një zgjidhje të negociuar me Shtetet e Bashkuara. Negociatat dhe dialogu janë gjithmonë mënyra më e mirë." , shkroi ministri i Jashtëm irlandez Simon Harris , duke shprehur "keqardhje të thellë për njoftimin mbi tarifat doganore nga Presidenti Trump". "Nuk ka fitues me tarifat doganore: ato janë të dëmshme për konsumatorët, rrezikojnë vendet e punës dhe rrisin kostot dhe pasigurinë për bizneset. Së bashku me
kolegët e mi të qeverisë dhe BE-në do të shqyrtojmë situatën dhe mënyrën më të mirë për të reaguar në orët dhe ditët në vijim”, theksoi ai.
Shtetet e Bashkuara nuk kanë ndërmend të “negociojnë” me vendet e tjera pas shpalljes së tarifave doganore nga Donald Trump. "Kjo është një emergjencë kombëtare," tha një zyrtar i lartë i administratës në një telefonatë me një grup të vogël gazetarësh përpara se Trump të shpallte tarifat doganore. Të njëjtët zyrtarë shpjeguan se do të jetë presidenti ai që do të shpallë emergjencën kombëtare.
Kryeministrja italiane, Giorgia Meloni ka reaguar pasi presidenti i SHBA, Donald Trump shpalli tarifat doganore.
“Vendosja e tarifave doganore nga SHBA ndaj Bashkimit Evropian është një masë që unë e konsideroj të gabuar dhe që nuk i përshtatet asnjërës palë”, ka shkruar ajo në rrjetet sociale. Më pas Meloni shkruan se “ne do të bëjmë gjithçka që mundemi për të punuar drejt një marrëveshjeje me Shtetet e Bashkuara, me synimin për të shmangur një luftë tregtare që në mënyrë të pashmangshme do të dobësonte Perëndimin në favor të lojtarëve të tjerë globalë. “Në çdo rast, si gjithmonë, ne do të veprojmë në interes të Italisë dhe ekonomisë së saj, edhe duke u krahasuar me partnerët e tjerë europianë”.
Presidenti i Shteteve të Bashkuara, Donald Trump, njoftoi se SHBA-ja do të vendosë një tarifë bazë prej 10 për qind për importet nga të gjitha vendet e botës, përfshirë nga Kosova dhe vendet e tjera të Ballkanit Perëndimor.
Ai njoftoi gjithashtu për dhe tarifa më të larta për dhjetëra vende që kanë suficit tregtar me Shtetet e Bashkuara, duke rritur rrezikun për një luftë tregtare dhe rritje të inflacionit.
Ndaj mallrave të importuara nga Kosova është vendosur tarifë prej 10 për qind, ndaj atyre nga Shqipëria 10 për qind, Serbia (37%), Bosnia e Hercegovina (35%) dhe Maqedonia e Veriut (33%).
Duke folur në Shtëpinë e Bardhë, Trump tha se ndaj importeve nga Kina do vendoset tarifë prej 34 për qind, ndaj atyre nga Bashkimi Evropian 20 për qind, ndaj atyre nga Korea e Jugut 25 për qind dhe ndaj atyre nga Japonia 24 për qind./REL
Presidenti i SHBA-së, Donald Trump, nënshkruar urdhrin ekzekutiv mbi tarifat doganore, në Kopshtin e Trëndafilave të Shtëpisë së Bardhë.
Pasi ka përfunduar fjalimin e tij ai është ulur në një tavolinë për të nënshkruar urdhrat ekzekutivë përkatës.
Presidenti Donald Trump ka deklaruar se kompanitë e huaja që investojnë në SHBA nuk do të paguajnë asnjë tarifë doganore.
"Asnjë tarifë doganore nuk do të ekzistojë nëse ndërtoni produktin tuaj këtu në Amerikë," thotë Trump.
Ai i ka bërë thirrje kompanive që të investojnë në SHBA për të mos paguar detyrime.
"Nëse doni tarifa doganore zero, prodhoni produktet tuaja këtu në Amerikë", tha ai.
Presidenti i SHBA Donald Trump ka deklaruar se do të vendos tarifë doganore 10% mbi importet nga Mbretëria e Bashkuar dhe 20% mbi importet nga BE.
"Ata na i vendosin, ne ua vendosim atyre" thotë ai.
Ndër të tjera, ai përmend edhe Kinën dhe Bashkimin Evropian.
"Ata na vjedhin. Është kaq e trishtë kjo gjë. Është kaq e pashpresë", tha ai.
Në konferencën ku do të nënshkruajë urdhrin ekzekutiv për tarifat e reja doganorë ndaj vendbve me të cilat SHBA ka marrëdhenië tregtare, Trump thotë se nuk është ende vonë dhe premton ta bëjë Amerikën të pasur përsëri.
"Ata na kanë marrë kaq shumë pasuri," thotë ai. "Ne nuk do ta lejojmë që kjo të ndodhë."
Trump thotë se SHBA nuk mund të përballojë më të mbajë deficit tregtar me shtetet e tjera, duke sugjeruar se SHBA ka subvencionuar ato për një kohë shumë të gjatë.
"Ne kujdesemi për shtete në mbarë botën," ankohet ai, dhe thotë se është koha që SHBA të kujdeset për njerëzit e saj.
Presidenti Donald Trump ka kritikuar BE-në dhe shtetet aziatike për vendosjen e tarifave doganore mbi automjetet e prodhuara në SHBA.
‘SHBA aplikon një tarifë prej 2.4% për motorët e importuar. Ndërkohë, Tajlanda dhe shtetet e tjera po aplikojnë çmime shumë më të larta, si 60%. India aplikon 70% dhe Vietnami 75%," shton ai.
Trump tha se do të vendos një tarifë doganore 25% mbi të gjitha automjetet e prodhuara jashtë shtetit.
Ai thotë se mbi 80% e makinave të prodhuara në Korenë e Jugut shiten në Korenë e Jugut, dhe mbi 90% e makinave që shiten në Japoni prodhohen në Japoni, dhe se automjetet e prodhuara në SHBA përfaqësojnë vetëm një pjesë të vogël në këto shtete.
"Ford ka shitje shumë të vogla" në shtetet e tjera, thotë Trump, një pasqyrë e cila ka "shkatërruar" industrinë amerikane.
"Për këtë arsye, që nga mesnata, do të vendosim një tarifë 25% mbi të gjitha automjetet e prodhuara jashtë shtetit," thotë Trump.
Komente
Ja pse Europa duhet te jete me shume se kurre e bashkuar. Nese bashkohen te gjitha shtetet, po kur them te gjithe, te gjitha shtetet, mendoj qe nuk ka shtet e kontinent qe mund te perballet me ekonomine me te zhvilluar te globit. Trump, nuk i ka bere llogarite mire. Sepse nese Europa vertete behet nje ekonomi solide, nje ushtri e bashkuar, dhe nje diplomaci e bashkuar, atehere e humbur ka per te dale SHBA e para. Per fat te keq,une parashikoj me ardhjen e Trump, fillimin e fundit te SHBA. Dhe per ne si shqiptare eshte nje gje shume e keqe. Historikisht kemi qene aleate me palet humbese neper luftra. Kam frike se historia do vazhdoje te perseritet. (Uroj qe jo).
Përgjigju/GONI/,te rekomandoj te shikosh MSNBS,shiko Rachel Maddow.Sipas gazetares,Trump ka taksuar dhe disa ishuj te larget me popullsi minimale (njeri kishte vetem 500 banore),ose jane komplet te pabanuar ku te vetmit /banore/ jane pinguinet e ndonje nuk i ka as keta.Dhe nuk i ka taksuar pak,u ka rasur 10 % tarife, aq sa i ka vene Shqiperise e Kosoves respektivisht.Keshtu qe para se te hidhesh ne konkluzione,shiko faktet e pastaj bej vleresime!
Përgjigju10% takse e sheshte tregon qe Trump e vlereson Shqipërine , tani do vijne nga Europa ta hapin fabriken ne Gramsh ose ne MIRDITE dhe te shiten makina te reja ne USA ! Edhe ne vere/raki etj taksa 10% nuk eshte asgje , Italia e hengri nga pas me 37% pra ja vlen te investosh ne Shqipëri keto kohe ! Bravo Trump
PërgjigjuNa ka vene 10% ne edhe Kosoves jo sepse na vlereson por sepse exporti yne drejt ShBA eshte i paperfillshem or teeeejjjjj
JA SESI VEPRON NJE PRESIDENT QE E DO POPULLIN E VET,,,TRUMPI PO MENDON PER POPULLIN E VET,,,,,I FUT TAKSA SHTETEVE ,,QE TE SHTOHET PRODHIMI DHE SHITJA E PRODUKTEVE AMERIKANE,,,,KY ESHTE NJE SHEMBULL QE DUHET MARRE PARASYSH NGA EKONOMISTET DHE QEVERIA ,,,JONE QE FLE DHE DITEN...SA ME PARE TE VIHEN TAKSA NDAJ GRURIT--MISRIT DHE TE GJITHE PRODUKTEVE BUJQESORE TE IMPORTIT.....QE TE SHITEN PRODHIMET TONA,,,NDRYSHE PO I JAPIM PARA BOTES...EDI RAMA THIRRI MENDJES,,,,LARGO TE HUAJT NGA MARINZA,,NAFTA ESHTE PRONE E POPULLIT SHQIPTAR.......
PërgjigjuTrump eshte nje gomar qe kujton se po ndihmon popullin e vet por ne fakt po e shkaterron ameriken. Nuk ishin injorante ata 20 presidentet e tjere qe punuan nje shekull te tere per te arritur nje ekonomi te lire dhe ku amerika u be lider i botes. Do e shohesh shume shpejt si do perfundoje amerika, por fatkeqesisht do demtohen shume shume shtete te tjera qe i kane ndertuar ekonomite bazuar ne marreveshje te meparshme. Te te rroje Trumpi jot e ta gezojme krizen e tmerrshme qe po vjen!
E more popo keshtu eshte kur nuk lexon gjithe lajmet e shkon voton qe te te ulet cmimi i kokrres se vezes. Asgje e mire nuk kishte shans te te vinte nga nje njeri qe eshte kunder arsimit e shkences dhe mban afer vetes ata qe predikojne se toka eshte e sheshte. Duke shkaterruar arsimin e shtuar njerezit a pashkolluar do mundet te vazhdoje te shtoje votat me cfaredo lloj gjeje qe ben.
O shoku ky po na co per lesh Ky e boni ameriken mo keq se Biden E votum me na shpetu se ka 2 vjet mezi po hajm buk cmimet n qiell e s ka as pun. Ato tarifat e kti thjesht do rrisin cmimet se as 1 kompani s do shesi Me humje e as 1 kompani s do vi n amerik me prodhu
Ja futë vendit o biznecmen me kto tarifa . Menja e madhe e zeza zot
Përgjigju