Ministri i Jashtëm i Shqipërisë, Igli Hasani nuk ka vonuar të urojë Marco Rubio, i cili u emërua nga Donald Trump si Sekretar Shtetit, për mandatin e ardhshëm 4-vjeçar në krye të Presidencës amerikane.
Me anë të një postimi në rrjetin social X, Igli Hasani thotë se “mirëpresin që të forcojnë më tej lidhjet e forta” midis Shteteve të Bashkuara të Amerikës dhe Shqipërisë, si dhe ‘të punojmë së bashku, për të promovuar paqen, demokracinë dhe prosperitetin’.
Postimi i Hasanit:
“Urime Marco Rubio për emërimin, Sekretar i Shtetit të Shteteve të Bashkuara të Amerikës.
Mirëpresim të forcojmë më tej lidhjet e forta midis Shteteve të Bashkuara të Amerikës dhe Shqipërisë, si dhe të punojmë së bashku, për të promovuar paqen, demokracinë dhe prosperitetin. Suksese në rolin tuaj të ri!”.
