SHBA - Presidenti amerikan Donald Trump tha se ishte "i zhgënjyer" kur dëgjoi se Kievi u ankua për përjashtimin nga bisedimet midis Shteteve të Bashkuara dhe Rusisë në Arabinë Saudite të martën për t'i dhënë fund luftës në Ukrainë.
"Jam shumë i zhgënjyer, dëgjoj se ata janë të mërzitur sepse nuk kanë vend në bisedime, por ata kishin një vend për tre vjet dhe shumë kohë përpara kësaj," u tha ai gazetarëve në Mar-a-Lago kur u pyet se çfarë do t'u thoshte ukrainasve që ndihen të "tradhtuar".
Trump foli për herë të parë që kur delegacioni amerikan nisi një dialog pune me Rusinë për Ukrainën gjatë bisedimeve në Riad gjatë ditës së djeshme.
Ai tha gjithashtu se Ukraina mund të kishte bërë një marrëveshje vite më parë dhe përsëriti se mund t'i japë fund kësaj lufte.
"Unë mendoj se kam fuqinë për t'i dhënë fund kësaj lufte," shtoi ai, pasi tha se ishte "shumë më i sigurt" për një marrëveshje me Rusinë pas bisedimeve të së martës në Arabinë Saudite.
Presidenti amerikan tha se Zelensky nuk duhej ta kishte nisur luftën dhe u bëri thirrje ukrainasve të shkojnë në zgjedhje.
"Ne kemi një situatë ku nuk kemi pasur zgjedhje në Ukrainë, pasi ka gjendje ushtarake ku lideri në Ukrainë, dua të them, e urrej ta them këtë, por ai ka rënë në 4% popullaritet dhe ku një vend është copëtuar...
"Nëse Ukraina dëshiron një vend në tryezë, a nuk duhet të thotë populli se ka kaluar shumë kohë që kur ka pasur zgjedhje?"
Dje, u zhvillua takimi i parë i nivelit të lartë mes SHBA dhe Rusisë që pas nisjes së luftës në Ukrainë në shkurt 2022. Tryeza e bisedimeve, mes ministrave të jashtëm, Rubio dhe Lavrov arriti marrëveshjen për të punuar për paqen në Ukrainë.
Palët do të angazhojnë ekipe të nivelit të lartë për dhënie fund të luftës, sa më shpejt që është e mundur, "në një mënyrë që është e qëndrueshme dhe e pranueshme për të dyja palët". Pikë tjetër e rëndësishme e marrëveshjes është zhvillimi i zgjedhjeve të reja në Ukrainë.
Komente
Çfare thote Putini ben Trumpi,Ky muhabet duket ashiqare fare.Rusia kerkon zgjedhje dhe fiton nje i besuar i tyre.Çdo gje e kane calkuluar me kohe.Prespectiva per Ukrainen shume e zymte,si duken gjasat mund ta bejne satelit te Rusise,ose da zhdukin edhe si shtet.
PërgjigjuJa keshtu ndodh kur i ke varur shpresat te amerika dhe ben trimin me armet dhe ndihmat nga te tjeret. Tani te bojn zot ne token tende. Shko haji salomin Trump tani se nuk je mo president i ukraines
Përgjigju