Gjatë një intervistë për “Fox News”, presidenti i SHBA-ve foli edhe njëherë për qëndrimin e tij ndaj NATO-s. Trump i ka nisur drejt vetes meritat për fuqizimin e NATO-s dhe pavarësisht se kohën e fundit ka kritikuar këtë aleancë, ai është shprehur në frymë pozitive për të. Ndër të tjera në intervistën e tij, Trump ka folur edhe për ballkanasit, konkretisht Shqipërinë dhe Malin e Zi.
NATO ka qenë e dobët mirëpo tani është e fuqishme përsëri (keq për Rusinë). Mediat vetëm raportojnë se unë isha i pasjellshëm me liderët, nuk përmendin kurrë hollësirat!
Donald Trump, president i SHBA-ve
I pyetur se pse amerikanët duhet të mbrojnë vende si Mali i Zi dhe Shqipëria, siç e kërkon rregullorja e NATO-s, Trump është shprehur se nuk është dakort.
Pjesë nga Intervista e Trump:
Gazetari Tucker Carlson: Të qenit pjesë e NATO-s detyron të gjithë anëtarët të mbrojnë çdo pjesëtar tjetër nga sulmet. Për shembull, nëse sulmohet Mali i Zi që u anëtarësua vitin e kaluar, pse im bir duhet të shkojë në mbrojtje të këtij vendi?
Presidenti Trump: Unë e kuptoj çfarë po thua. Unë bëra të njëjtën pyetje, e di? Mali i Zi është një vend i vogël, me njerëz shumë të fortë.
Gazetari Tucker Carlson: Nuk jam kundër Malit të Zi, po Shqipëria?
Presidenti Trump: Jo meqë ra fjala… janë njerëz shumë të fortë, janë njerëz shumë agresivë. Mund të nxehen dhe... Urime jemi në Luftën e Tretë botërore. E kuptoj këtë, por kështu është vendosur. Mor harro, unë erdha këtu pak më shumë se një vit më parë, por mora përsipër bisedën tre katër ditë më parë dhe thashë: “Duhet të paguani, Duhet të paguani”.
Dhe Sekretari i Përgjithshëm tha se për shkak të presidentit Trump vitin e kaluar ne kishin një shtim 44 miliardë dollarë për NATO-n dhe këtë vit do kemi shumë më shumë se kaq dhe shtetet ishin dakort. Ishte e padrejtë, ata s’po paguanin. Jo vetëm që ne po paguanim më shumë, por ata s’po paguanin fare dhe po i mbronim. Ja dhe përgjigjja e pyetjes tënde për Malin e Zi…
Trump kishte deklaruar pas përfundimit të samitit të NATO-s, se udhëheqësit e disa shteteve anëtare janë pajtuar që të arrijnë më shpejt objektivin e shpenzimeve në mbrojtje, që është 2% e bruto-prodhimit vendor. Aleatët e NATO-s, në vitin 2014, janë pajtuar që ta arrijnë këtë objektiv deri në fund të vitit 2024.
Degjojeni me kujdes sepse e ka fjalen per Malin e Zi dhe jo per Shqiperine!
PërgjigjuQe te jesh gjaknxehte nuk besoj se je agresive
PërgjigjuKe fol si burr shteti mer plak
Përgjigju