Të rikthehemi në normalitet pas kësaj periudhe izolimi prej koronavirusit, do të jetë shumë e vështirë.
Një tryezë, një karrige, një shportë kashte dhe asnjë kontakt çfarëdo është modeli më i ri i restorantit në Suedi.
Mund të tingëllojë ekstreme, por një çift suedez ka sjellë një mënyrë të zgjuar.
Sipas medias së huaj, ideja lindi në një moment urgjence, në të cilën shmangia e vendeve të mbushura me njerëz dhe tubimet është bërë një detyrim.
Tashmë të gjithë mund të shijojnë një drekë në natyrë në fshat.
“Nëse doni të hani në restorant, të paktën bëjeni atë në stil”, thuhet në faqen e internetit të restorantit të lindur në qytetin e vogël të Ransäter.
Quhet Bord för en (që në suedisht do të thotë “tryezë për një”) dhe përshkruhet si “Një nga më restorantet e sigurta në kohën e Covid”.
Foto nga menuja
Drejtuar nga kuzhinieri Rasmus Persson dhe gruaja e tij Linda Karlsson, restoranti do të marrë vetëm një rezervim në ditë. Ushqimi serviret direkt në shportën e kashtës, përmes një litari.
Restoranti do të hapet në 10 maj dhe mbyllet më 1 gusht. Të dy pronarët kanë këshilluar tashmë që pasi të ketë mbaruar dreka, do të bëhet dezinfektimi, por jo para se të kenë kaluar 6 orë.
Tre menu do të shërbehen çdo ditë të cilat mund të ndryshojnë herë pas here, por gjithmonë duke përdorur përbërës të vendit bio.
Komente
