Epokë e re te Juventusi dhe ajo mban emrin e Igor Tudor. Trajneri i "Zonjës së Vjetër" prezantohet të enjte dhe drejtori sportiv Cristiano Giuntoli e ka kuptuar situatën, duke bërë bashkë trajnerin me lojtarët që sapo u kthyen nga grumbullimi me kombëtaret.
Një takim "kokë më kokë" me trajnerin e ri e pati edhe Dusan Vlahovic, serbi i Juves që në muajt e fundit nuk preferohej titullar nga ish-trajneri Thiago Motta. Sipas Tuttosport, gjatë takimit Tudor i përsëriti Vlahovicit se ai e konsideron atë 'një nga sulmuesit më të mirë në botë, por gjithashtu i kërkoi të jepte më shumë' për sa i përket karakterit dhe cilësisë për të bërë atë hap që do t'i lejonte të demonstronte vlerën e tij të plotë dhe të krahasohej me sulmuesit më të mëdhenj aktualisht.
Nga ana e tij, Vlahovic i konfirmoi trajnerit angazhimin e tij maksimal (të treguar tashmë me paraqitjen në fushë ditën e pushimit) dhe dëshirën e madhe për 'hakmarrje' pas periudhës së fundit të kaluar në stol.
Një krahasim i qartë dhe i afërt në të cilin Tudor do t'i kishte dhënë lojtarit edhe disa garanci të rëndësishme në nivelin tekniko-taktik, për pozicionin në fushë dhe për rolin drejtues në projektin e ri të Juventusit në këtë pjesë të fundit të sezonit. Të gjitha me objektivin e Champions League në horizont dhe premtimin e ndërsjelltë për të dhënë gjithçka për ta arritur atë.
Të shtunën në orën 18:00 Juventusi pret Genoan në Torino, me sfidën që vlen për raundin e 30-të në Serie A. Ndërkohë që Tudor pritet të hedhë në fushë një skemë 3-4-2-1.
Juventus - Genoa, formacionet e mundshme
Komente
