Jo vetëm për të shijuar plazhet dhe historinë shqiptare, por turistët duket se po kontribuojnë edhe për të mbajtur pastër ambientin.
Kryeministri Edi Rama ka publikuar pamje nga aksioni i Agjencisë Kombëtare të Bregdetit, ku ekipeve të bashkive u janë bashkuar edhe turistë e qytetarë për të pastruar plazhet.
Rama i cilëson këta vullnetarë si shembullin se si duhen trajtuar hapësirat publike.
Në fotot e shpërndara nga vetë kreu i qeverisë, shfaqen të gjithë vullnetarët të cilët mbledhin mbeturinat e lëna vend e pa vend.
“Turistë dhe qytetarë vullnetarë i janë bashkuar ekipeve të bashkive dhe operatorëve të Agjencisë Kombëtare të Bregdetit në nismën e pastrimit të plazheve, duke dhënë kështu shembullin model se si duhen trajtuar hapësirat publike, me qytetari, angazhim të përbashkët e stil të bukur jetese”, shkruan Rama në rrjete sociale.
Komente
