Gazetari i Report Tv Arsen Rusta është hasur në aeroportin "Nënë Tereza" në Rinas me një grup studentësh që do të udhëtonin për në Milano, në aeroportin e Malpenza e Italisë ndërkohë që me vete kanë marrë edhe raki. Me anulimin e udhëtimeve, ata janë detyruar të kthehen sërish në Tiranë,
"Do të kthehemi në shtëpi tani. Kemi raki, bën mirë për gjithçka, sa më shumë raki pi aq më shumë jeton. Rakia është zgjidhja e vetme", u shpreh një prej turistëve.
Edhe në aeroportin e Rinasit, ashtu si në pika të tjera kufitare janë rritur masat parandaluese ndaj koronavirusit. Qeveria këtë mëngjes vuri në fuqi planin e veprimit për parandalimin që konsiston në disa kufizime, përfshirë pezullimin e fluturimeve dhe lundrimeve deri më 3 prill, për të shkuar në zonat e kuqe në Itali, që janë izoluar për të ndaluar përhpajen e infeksionit.
Lajmi kryesor:
Koronavirusi vjen në Shqipëri/ Nga mbyllja e shkollave, tek pezullimi i fluturimeve e lundrimeve. LISTA e të gjitha aktiviteteve që anulohen (VIDEO)
//ReportTv.al
