Pranvera ka sjellë sinjale pozitive për ekonominë dhe për aktivitetin e bizneseve. Pas rënies në dy muajit e parë të vitit, besimi në ekonomi është rritur në mars dhe në prill.
Banka e Shqipërisë thotë se në muajin e kaluar besimi i bizneseve dhe i qytetarëve është rritur me mesatarisht 6.6% në raport me marsin. Ndikim pozitiv dhanë sektori i industrisë, shërbimeve, tregtisë dhe besimi i konsumatorëve, ndërsa sektori i ndërtimit regjistroi rënie të lehtë.
Sektori i tregtisë ka rritjen më të madhe të besimit në ekonomi, me 9.3% ndikuar prej pritshmërive optimiste për ecurinë aktuale të biznesit, përmirësimit të punësimit, ndërkohë që paralajmërojnë ulje të çmimeve. Po për të njëjtat arsye është rritur me 3.5% edhe besimi i sektorit të industrisë.
Sektori i dytë është ai i shërbimeve, ndikuar edhe prej numrit të lartë të turistëve që në muajit e parë të vitit. Besimi në këtë sektor u rrit me 8.2% në prill, dhe shkaku kryesor është ecuria e aktivitetit dhe rritja e kërkesës për shërbime, ndërkohë që raportojnë për rritje të nivelit të punësimit por edhe të çmimeve njëkohësisht.
Përmirësimi i situatës ekonomike, i gjendjes financiare dhe shtimi i blerjeve të mëdha, kanë bërë që edhe besimi i konsumatorëve të rritet me 3.8% në muajin e kaluar, ndërsa presin ulje të punësimit dhe çmimeve.
Ndërsa sektori i ndërtimit po përballet me ulje të porosive, pra më pak kërkesë për blerje pronash, e për pasojë raportohet rënie e besimit me 0.7%. Ndërtimi, vetëm në muajin shkurt ka deklaruar rritje të besimit në ekonomi, ndërsa në tre muajit e tjerë ka raportuar vetëm rënie për shkak të aktivitetit dhe reduktimit të kontratave porositëse. Pak ditë më parë edhe një vrojtim i Bankës së Shqipërisë, tregonte se tashmë po rritet kërkesa më shumë për prona me qira, sesa për të blerë.
Komente
Qe te kesh turizem tamam,,,qe te rrojme mire,,,duhet te prishesh te gjithe pallstet ne plazhin e durresit-golemit-qerretit dhe te zevendesohen me resorte +hotele me 5 yje.. ...
Përgjigju