Si pasojë e një shpërthimi të një bombule oksigjeni në një Spital Covidi, në Gazintep të Turqisë humbën jetën 9 pacientë. Ngjarja ndodhi në spitalin Universitar SANKO Covid-19 në Gaziantep.
Ngjarja ndodhin në orën 04:45 të mëngjesit me orën lokale. Pas incidentit, 8 nga 19 pacientë e shtruar në njësinë e kujdesit intensiv vdiqën, 11 pacientë u transferuan në spitale të tjera në afërsi. Pas transferimit të të plagosurve në Spitali, humbi jetën edhe një pacient, duke bërë që numri i tyre të arrijë në 9, deklaroi Ministri i Shëndetësisë Fahrettin Koca .
Pacienti më i ri që vdiq nga shpërthimi i zjarrit ishte një 56 vjeçar, ndërsa më i moshuari 85 vjeç.
Zjarrfikësit dhe policia nxituan në vendin e aksidentit, ndërkohë që nisën dhe hetimet.
Turqia ka regjistruar deri më tani 1,982,090 raste me Covid-19 dhe 17,610 viktima dhe vendi prej kohësh është futur në shtetrrethim gjatë natës dhe në fundjavë.
Komente
