Një nga themeluesit e organizatës humanitare siriane "Helmetat e Bardha" u gjet i vdekur këtë mëngjes pranë banesës së tij në Stamboll.
Sipas agjencisë ‘France Press’, James Le Mesurier, një ish ushtar britanik, themelues i grupit Mayday Rescue, ishte hedhur nga ballkoni i banesës së tij.
Burime hetimore turke kanë raportuar për Reuters se policia po heton me vetëvrasje, por nuk ka hedhur poshtë as versionin e vrasjes. Gjithësesi shkaqet e vdekjes nuk janë të qarta.
Në vitin 2013, Le Mesurier së bashku me grupin e tij kishin ndihmuar në formimin dhe më pas financimin, me fonde nga Britania e Madhe, Shtetet e Bashkuara, agjensitë e KB dhe bashkëpunimi ndërkombëtar i shumë vendeve, ‘Helmetat e Bardha’, një grup vullnetarësh sirianë të angazhuar për shpëtimin e viktimave të bombave në Siri.
Për kontributin e tij për të mbështetur viktimat e luftës në Siri, Le Mesurier ishte dekoruar edhe nga Mbretëresha Elizabeth në vitin 2016.
Të Premten, Maria Zakharova, një zëdhënëse e ministrisë së jashtme ruse, e kishte akuzuar Le Mesurier si spiun për shërbimet sekrete britanike.
Komente
