TURQI- Autoritetet turke kanë parandaluar një sulm terrorist në një gjykatë të Stambollit. Policia ka ekzekutuar 2 personat që kanë hapur zjarr.
Mediat turke shkruajnë se si pasojë e atentatit terrorist, kanë mbetur të plagosur 5 persona, mes tyre tre policë.
Ministri i Brendshëm i Turqisë, Ali Yerlikaya në një deklaratë për ngjarjen, tha se dy sulmuesit një grua dhe një burrë, pjesëtarë të një organizate terroriste janë ekzekutuar.
Orgnizata terroriste "DHKP/C" që kreu sulmin e sotëm, ka qenë kryesisht joaktive vitet e fundit. Në mars 2015, grupi mori peng një prokuror në të njëjtën gjykatë, duke kërkuar detaje për vrasjen e një adoleshenti nga policia gjatë protestave antiqeveritare një vit më parë.
Grupi gjithashtu mori përgjegjësinë për një sulm vetëvrasës me bombë në shkurt të vitit 2013 në Ambasadën e SHBA-së në Ankara, ku u vra një roje turke e sigurisë dhe u plagosën katër persona të tjerë.
